आरोह अवरोह.....

                                    कृष्ण के श्रेष्ठ "काल्स "

हुँदा हुँदा गरिराको काममा पनि देख्छु तिमी
कुर्दा कुर्दै ट्राफिक जाममा पनि देख्छु तिमी

सम्झना आउदा तिम्रो पठाएका प्रेम पत्रहरु
नखोल्दानी बाहिर खाममा पनि देख्छु तिमी

तिम्रो अभाबमा एक्लै टोलाऊँदा आकाशमा
डाँडापारि अस्ताएको घाममा पनि देख्छु तिमी

अंगालोमा बाँधिएर ती गरिएका बात बिर्सेनी
चुम्बनका निलानिला डाममा पनि देख्छु तिमी

नौंडाँडा पारि हामी दुई बीचको दुरी भएनी
मन भित्र कुँदिएका नाममा पनि देख्छु तिमी

जो देखेनी तिमी जस्तै देख्छु मैले झुक्किएर
त्यसैले त हिंडिरहेका लाममा पनि देख्छु तिमी