छि गिथि नास जुर्मुन्
गजल (दोलखा नेवारी भाषा)
हाबि जन मिखाकु, छि बाँलस्के पास जुर्मुन्
आउ लिखन् परैजुर्मुन्, छि गिथि नास जुर्मुन्?
निन् थिमा मिसा हिलेन्, चोङ्गुन् छि ङिलेन्
मखे थिगर छें जुकुन्, हरेक छेंकु बास जुर्मुन्
लिङारन् टुटिनु मोचुके, ख्वाल दोखुनु वँचके
ऐराक न बेहोस् जुयन्, छि म्वाकु लास जुर्मुन्
ढ्यावाय लागिन् छिन्, जिउ मजिउ जे यतन्
खिङौ छेंरि रस्तार्मुन्, थनु नर पिचास जुर्मुन्
नेतापे लिखन् जुयन्, अपे तुङ् झोला बुयन्
छि वा थनु केसी, आपेन् मेथय तास जुर्मुन्
थौ छें हात्त मदकेन्, मेबे छें त पियन् चोनन्
थौ न थौ तु नास जुर्मुन्, दुनियाय दास जुर्मुन्
छिन् मेविस्त लुरी हङन्, हार्मुन् सिं ग्वार्मुङन्
मेवु त पाप टोन्मुन्, थौ तु न्होलुय रास जुर्मुन्
0 comments:
Post a Comment