मेरा गन्तव्यहीन यात्राहरु

यतिका बर्ष बितिसकेछन मेरा कुनै लक्ष्य बिनानै । अब जीउनु पनि कति नै छ र बाँकि यस धर्तीमा ? अनि के नै पो गर्न सक्छु र मेरा बाँकि जिन्दगीमा? फगत जीउनु सिवाए । लक्ष्यहरु प्राप्तिको लागि जीन्दगीका दौरानमा अनेकौ हण्डर पनि खाइयो, तर अपसोच! गन्तब्यमा नपुग्दै मेरा ती सबै लक्ष्यहरु बीचबाटोमै चकनाचुर हुन्थे । हेरौं, यी मेरा बाँकि जीन्दगीमा लक्ष्य प्राप्ति हुनेछ या छैन? तरपनि गन्तव्यहीन यात्रामा लक्ष्य प्राप्तिको लागि मेरो हर प्रयास रहनेछ.....रहिरहनेछ

मेरा भावना...

Follow Me on Twitter

धन कमाउने ठूलो सपना देख्दै छु म विदेशमा
थाकेको यो ढाड घाममा सेक्दै छु म विदेशमा

उहाँ छँदा नाम्लो पनि नछोएका हातहरूले
सकी नसकी भारीहरू थेग्दै छु म विदेशमा

सक्दिनँ म हिँड्न पनि दुखिएका पैतालाले
ऐया ! आमा भन्दै भुइँ टेक्दै छु म विदेशमा

नआऊ भन्दिन!


 कविता

कृष्ण के श्रेष्ठ "काल्स"
 
तँ नआइज !
विदेश तेरो लागि ठिक छैन

भन्दिन तँलाई
किनकि
विदेश आउनु
तिम्रो रहर हैन होला
अनि
मेरो पनि रहर थिएन
हामीलाई
बाध्य पारिएको छ
परदेशिनको लागि
आफ्नै नेपालको अवस्थाले 
अनि
नेपाली गरिबी र बेरोजगारीले
किनकि हामीलाई
कठालो समाती जबर्जस्त 
गलहत्याएर निकालेकाछन
त्यसैले,
तिम्रो विचार
आउँछौ त आऊ
तर,
यदि
आइहाल्यौ भने पनि
तिमीले
रित्तो हात नफर्क 
केहि लिएर जाऊ यहाँबाट
तिम्रो देशको
उन्नति र विकासको लागि
अनि
शान्तिको कोसेली लगेर जाऊ
नेपाली आमाको लागि
अनि,
सिकेर जानु तिमीले
विदेशको विकासशैली
बिदेशी राम्राराम्रा कुराहरु
इमान्दारिताको पाठ
सिकाउन सक्नेगरि पढेर जाऊ
साथमा
बिदेशी शिक्षा लिएर जाउ
तर तिमी
कदापी
बिदेशी नबन र बन्ने कोसिस पनि नगर
जहाँ रहेपनि तिमी 
नेपाली भएरै बाँच्न सिक
नेपाली कला संस्कृति
छातीमा बोकेर बाँच
बिदेशी रमझममा नेपाल नबिर्स
किनकि 
तिम्रो नेपाली पहिचान छ
आफ्नै संस्कृति छ
नेपाली आमाको रगत बगेकोछ तिम्रो नशानशामा
त्यसैले,
खबरदार!
विदेश आए पनि
बिदेशी नबन्नु तिमी
यदि
मनिनौ भने, अनि नेपाल लाई बिर्स्योउ भने
पक्कै पनि
सरप्ला तिमीलाई नेपाल आमाले
रोक्नेछ बाटो 
सगरमाथाले
शान्तिका अग्रदुत बुद्धलेपनि
तिमीमाथी
बल प्रयोग गर्न बाध्य हुनेछ
त्यसैले
आउन त आऊ तर केहि लिएर जाऊ
साथै
बिदेशमा पनि
केहि नेपाली पहिचान दिएर जाऊ
रित्तो हात नफर्क तिमी
अनि नराम्रा कुराहरु दिएर
नराम्रा कुराहरु लिएर पनि नजाऊ
कसम खाऊ नेपाल आमा संग
अनि मात्र आऊ तिमी
अनि
केहि बोकेर जाउ तिमी
त्यसैले ,
म तिमीलाई
नआऊ भन्दिन
 
 

2 comments:

  1. Anu said...
     

    yes, very true krishnajee....

  2. Krishna K Shrestha"kals" said...
     

    Anu jee may i know your fb id?

Post a Comment



 

यहाँ बाट बाड्नुहोस

We have to develope Dolakha and Dolakha culture