मेरा गन्तव्यहीन यात्राहरु

यतिका बर्ष बितिसकेछन मेरा कुनै लक्ष्य बिनानै । अब जीउनु पनि कति नै छ र बाँकि यस धर्तीमा ? अनि के नै पो गर्न सक्छु र मेरा बाँकि जिन्दगीमा? फगत जीउनु सिवाए । लक्ष्यहरु प्राप्तिको लागि जीन्दगीका दौरानमा अनेकौ हण्डर पनि खाइयो, तर अपसोच! गन्तब्यमा नपुग्दै मेरा ती सबै लक्ष्यहरु बीचबाटोमै चकनाचुर हुन्थे । हेरौं, यी मेरा बाँकि जीन्दगीमा लक्ष्य प्राप्ति हुनेछ या छैन? तरपनि गन्तव्यहीन यात्रामा लक्ष्य प्राप्तिको लागि मेरो हर प्रयास रहनेछ.....रहिरहनेछ

मेरा भावना...

Follow Me on Twitter

धन कमाउने ठूलो सपना देख्दै छु म विदेशमा
थाकेको यो ढाड घाममा सेक्दै छु म विदेशमा

उहाँ छँदा नाम्लो पनि नछोएका हातहरूले
सकी नसकी भारीहरू थेग्दै छु म विदेशमा

सक्दिनँ म हिँड्न पनि दुखिएका पैतालाले
ऐया ! आमा भन्दै भुइँ टेक्दै छु म विदेशमा

तिहारमा आउँला दिदी




सप्तरंगी टिका पनि तिहारमा लाउँला दिदी
दशैंमा त  आइन म तिहारमा आउँला दिदी

साथीसंगी सबै मिलि गाउँ शहर डुलिडुलि
देउशी भैलो रमाएर तिहारमा गाउँला दिदी


तेलझैं नसुकियोस अनि लामो आयु होस
भन्ने आशिष धेरै तिहारमा पाउँला दिदी

मिठामिठा मिठाईसंगै सेलरोटि पकाईकन
अघाइने गरि सबले तिहारमा खाउँला दिदी

“चाचाहुईया” “चाचाहुईया” पिङ खेल्न परिवार
मिलिजुली बजारतिर तिहारमा धाउँला दिदी

बर्षौं भयो परदेशमा जुवातास नखेल्या पनि
साइतमा च्याखा हाल्न तिहारमा जाउँला दिदी

केहिगरि फेरी पनि आईन भने भाई “कृष्ण”
रुँदै रुँदै चिठी लेखि तिहारमा पठाउँला दिदी

1 comments:

  1. भावना श्रेष्ठ said...
     

    हामी यहाँ पर्खीरहेका हुनेछौं टिका लगाउनको लागि...........

Post a Comment



 

यहाँ बाट बाड्नुहोस

We have to develope Dolakha and Dolakha culture