मेरा गन्तव्यहीन यात्राहरु

यतिका बर्ष बितिसकेछन मेरा कुनै लक्ष्य बिनानै । अब जीउनु पनि कति नै छ र बाँकि यस धर्तीमा ? अनि के नै पो गर्न सक्छु र मेरा बाँकि जिन्दगीमा? फगत जीउनु सिवाए । लक्ष्यहरु प्राप्तिको लागि जीन्दगीका दौरानमा अनेकौ हण्डर पनि खाइयो, तर अपसोच! गन्तब्यमा नपुग्दै मेरा ती सबै लक्ष्यहरु बीचबाटोमै चकनाचुर हुन्थे । हेरौं, यी मेरा बाँकि जीन्दगीमा लक्ष्य प्राप्ति हुनेछ या छैन? तरपनि गन्तव्यहीन यात्रामा लक्ष्य प्राप्तिको लागि मेरो हर प्रयास रहनेछ.....रहिरहनेछ

मेरा भावना...

Follow Me on Twitter

धन कमाउने ठूलो सपना देख्दै छु म विदेशमा
थाकेको यो ढाड घाममा सेक्दै छु म विदेशमा

उहाँ छँदा नाम्लो पनि नछोएका हातहरूले
सकी नसकी भारीहरू थेग्दै छु म विदेशमा

सक्दिनँ म हिँड्न पनि दुखिएका पैतालाले
ऐया ! आमा भन्दै भुइँ टेक्दै छु म विदेशमा

कृष्ण पापी

आज कृष्ण को जन्मदिन, त्यसैले कृष्ण को बारेमा केहि लेख्न मन लाग्यो मलाई ।


कृष्णलाई अझै पनि हामीले "पापी" भनेरै चिन्ने गरेका छौ । त्यसैले यस गजलमा पनि पापीको प्रयोग गरेको छु यदि अन्यथा लागे पापी को सट्टामा तिमी राखेर पढ्नु भए पनि हुन्छ ।


गजल
राधा मात्र एक्लो छान्न सक्ने कृष्ण पापी
सोर सय गोपिनी तान्न सक्ने कृष्ण पापी

अप्सराहरु के गरेमा फसिन्छन मायाजालमा
सबै मनका कुराहरु जान्न सक्ने कृष्ण पापी

मान्नै पर्छ त्यतिलाई बराबर माया दिई पनि
एउटी हैन सोर सय धान्न सक्ने कृष्ण पापी

भागी जालान भनि मोहनी जालमा पारीकन
मायाको डोरीले कसि बान्न सक्ने कृष्ण पापी

देउता भैकन फसाएर सिधा सोझा परीहरु लाई
सत्ययूगी देउता आफै ठान्न सक्ने कृष्ण पापी

एउटीले त पुग्दैन अरे मजा यो जीबनमा भनि
जसलाई पायो नजर हान्न सक्ने कृष्ण पापी












0 comments:

Post a Comment



 

We have to develope Dolakha and Dolakha culture