मेरा गन्तव्यहीन यात्राहरु

यतिका बर्ष बितिसकेछन मेरा कुनै लक्ष्य बिनानै । अब जीउनु पनि कति नै छ र बाँकि यस धर्तीमा ? अनि के नै पो गर्न सक्छु र मेरा बाँकि जिन्दगीमा? फगत जीउनु सिवाए । लक्ष्यहरु प्राप्तिको लागि जीन्दगीका दौरानमा अनेकौ हण्डर पनि खाइयो, तर अपसोच! गन्तब्यमा नपुग्दै मेरा ती सबै लक्ष्यहरु बीचबाटोमै चकनाचुर हुन्थे । हेरौं, यी मेरा बाँकि जीन्दगीमा लक्ष्य प्राप्ति हुनेछ या छैन? तरपनि गन्तव्यहीन यात्रामा लक्ष्य प्राप्तिको लागि मेरो हर प्रयास रहनेछ.....रहिरहनेछ

मेरा भावना...

Follow Me on Twitter

धन कमाउने ठूलो सपना देख्दै छु म विदेशमा
थाकेको यो ढाड घाममा सेक्दै छु म विदेशमा

उहाँ छँदा नाम्लो पनि नछोएका हातहरूले
सकी नसकी भारीहरू थेग्दै छु म विदेशमा

सक्दिनँ म हिँड्न पनि दुखिएका पैतालाले
ऐया ! आमा भन्दै भुइँ टेक्दै छु म विदेशमा

तडपाउनु तडपायौ नुन अझै थपे हुन्छ

तडपाउनु तडपायौ नुन अझै थपे हुन्छ
मायाको साटो हिरा सुन अझै थपे हुन्छ

म रुँदा तिमी हाँस्यौ सक्छौ त रुवाउ अझै
छनछनि नाँच्छु वरु धुन अझै थपे हुन्छ

धोकाले मात्रै खै, कहाँ पेट अघाइन्छ र?
विश्वासघाति मनको सगुन अझै थपे हुन्छे

निष्ठुरी तिम्रो मन म रुँदा नी हाँस्न सक्छ
तैयार छु रुनलाई रुन अझै थपे हुन्छ

आडमवरि माया दिइ फसाउनु फसायौ
अझै छ मन खुसि वैगुन अझै थपे हुन्छ

अपराधि म वनेँ आफ्नै माया हत्यागरि
सजाय धोका हैन  कानुन अझै् थपे हुन्छ

0 comments:

Post a Comment



 

यहाँ बाट बाड्नुहोस

We have to develope Dolakha and Dolakha culture