आरोह अवरोह.....

मान्छे हरु बेच्ने पसल भेटियो

2012-01-31T10:18:00.000-08:00

षड्यन्त्र सबैको सफल भेटियो
मान्छे हरु बेच्ने पसल भेटियो

जो चप्पल लगाएर हिड्ने गर्थे
शहरमा उसैको महल भेटियो

सिरानीमा मेरै फोटो छ भन्थ्यौ
रक्सिले भरेको बोतल भेटियो

हिजो सम्म जस्ले नक्सा कोर्दथ्यो
फेसबुकमा आज गजल भेटियो

रोइ कराई भिख माग्दै थियौ
भन्छन् रुवाइमा नक्कल भेटियो

तिमि पनि उस्तै, थाहा भो तब
जब त्यो बाटोमा खाडल भेटियो

केही हाइकु

2012-01-19T10:05:00.000-08:00

१

चम्किदा तिमि
जुन झैं आकाशमा
कृष्णजी मख्ख

२

आकास हेर
म संग तिमि हुदा
जुनै चम्क्यो

३

चिसो मौसम
रुघा ले सतायो लौ
रुमाल खै त?

किन नमस्कार खोज्छ मान्छे?

2012-01-11T07:35:00.000-08:00

गजल

बेग्लै परिस्कार खोज्छ मान्छे
किन नमस्कार खोज्छ मान्छे?

कालो हुंदाहुदै हाम्रो भाग्य
कालै अन्धकार खोज्छ मान्छे

हार हुँदापनि आज हेर
ठूला पुरस्कार खोज्छ मान्छे

भोग्दा जापानले त्यत्रो क्षती
अझै आविस्कार खोज्छ मान्छे

यौटै मान्छे भित्र जात भन्दै
आज तिरस्कार खोज्छ मान्छे

गल्ति जानाजानी गर्दै जाऊ
पक्कै बहिस्कार खोज्छ मान्छे

फरक यत्ति हो .....

2012-01-06T09:20:00.000-08:00

भिमेश्वोर नगरपालिका ३ मा अबस्थित यो पशुपतिको मन्दिर हालसालै दोलखाली चेलीबेटीहरुको पहलमा पुन निर्माण कार्य सम्पन्न गरिएको छ ।

यस कार्यको लागी सम्पूर्ण दोलाखाबासि हरुले दोलखाली चेलीबेटीहरुलाई धन्यबाद दिने पर्ने हुन्छ किनकि जसको पुन निर्माण कार्यको लागी सरकारी तबरबाट एउटा सानो पहल सम्म पनि गरिएको थिएन । त्यसो त यदि यो मन्दिर सरकारी योजनामा बनाईएकै भए पनि अहिलेको जस्तो मन्दिर नहुन पनि सक्थ्यो होला...........

जिर्ण अबस्थामा रहेको मन्दिर (निर्माण अघि)

निर्माण पछीको मन्दिर


निजि लगानीमा निर्मित पशुपति मन्दिर

तस्बिर: शिवजी प्रधान

मेरो आफ्नै पहिचान भएन

2012-01-04T07:29:00.000-08:00

गजल

भन्या जस्तो वर्तमान भएन
मेरो आफ्नै पहिचान भएन

सक्ने जति गरिसकें संघर्ष
कुनै कुरा समाधान भएन

सच्चा कर्म गर्नुसम्म गरियो
खै त मेरो गुनगान भएन

धेरै राम्रो बनाकोथें योजना
पुरा मेरो अभियान भएन

उस्कै थियो गल्तिहरु आखिर
गल्ति कस्को? छिनोफान भएन

सब्का लागि साथदिने समय
मेरो लागि बलवान भएन

हुन्छन् कोहि नमरेरै सहिद
मेरो त्याग बलिदान भएन

बाँच्न "कृष्ण" नचाहँदा लोकमा
किन आज अबसान भएन?

ओस्यौगाचु お正月

2011-12-30T10:06:00.000-08:00

(ओस्यौगाचु सिन नेन) जनवरी १ तारिख जापानी नयाँ बर्ष एउटा जापानको लागी महत्वोपूर्ण दिनको रुपमा लिइने गरिन्छ । त्यसैले यस दिनलाई नेपालको दशै भन्दा पनि केहि फरक नपर्ला, किनकि जापानी नया बर्षमा प्राय सबै जसो आ आफ्नो जन्म घर फर्केर दशैमा जस्तै परिवारहरु संग रमाइलो गरि धुमधाम संग मनाउने गर्दछन भने प्राय सबै सरकारी कार्यालयहरुमा सार्बजनिक बिदा पनि गरिएको हुन्छ ।

यस दिन आफ्ना साथीभाई, परिवारहरु मिलेर रमझम गर्ने चाड भएको कारणले गर्दा नयाँ बर्षका दिन प्राय सबै जस्तो स्थानहरु ब्यस्त नै हुने गर्दछन । जापानीहरु यस दिन ओसेची रयौरी (जापानी विभिन्न परिकार) खाने गर्दछन । ओसेची खाना हरुमा कालो भटमास, आलु लगायत सुपहरु खाने गर्दछन । यसका अलाबा मोची चामलबाट बनेको एक किसिमको खाना पनि खाने गरिन्छ ।

नेपालको दशैमा जस्तै यहाँ पनि जापानी गुम्बा, मन्दिरहरुमा दर्शनार्थीहरुको ठुलै भीड लाग्ने गर्दछ । बिषेस त नयाँ बर्षको अघिल्लो दिन कावासाकी को कावासाकी दाइसी र सिबुयाको गुम्बामा निकै घुइंचो लाग्ने गर्दछ । साथै अघिल्लो दिन ठुलाठुला मनोरन्जनात्मक कार्यक्रम बिंगो, काउन्ट डाउन सो लगायत ओहानाबी(fire works) हरुको समेत आयोजना गर्ने गरिन्छ ।

अनि नयाँ बर्षको सुरुवात संगै आफ्ना साथी ... परिवार हरुलाई पोस्ट कार्ड पठाएर नयाँ बर्षको सुभकामना आदानप्रदान गर्ने चलन रहिआएको छ, भने आ आफ्ना घरको ढोकामा एक किसिमको सल्लाको पात बाट बनेको रुख राखेर नयाँ बर्षको स्वागत गर्ने गरिन्छ ।

जस्तो जे सुकै भए पनि अब आउँदो नयाँ बर्ष सुखद. रमाइलो संग बितोस यहिनै मेरो शुभकामना यहाहरुलाई ।　

यहाँहरुको २०१२ साल सुभ रहोस । happy new year 2011..............

良いお年を。。。。。。。。。。。。

छि गिथि नास जुर्मुन्

2011-12-25T07:24:00.000-08:00

गजल (दोलखा नेवारी भाषा)

सोम कृष्ण श्रेष्ठ

हाबि जन मिखाकु, छि बाँलस्के पास जुर्मुन्
आउ लिखन् परैजुर्मुन्, छि गिथि नास जुर्मुन्?

निन् थिमा मिसा हिलेन्, चोङ्गुन् छि ङिलेन्
मखे थिगर छें जुकुन्, हरेक छेंकु बास जुर्मुन्

लिङारन् टुटिनु मोचुके, ख्वाल दोखुनु वँचके
ऐराक न बेहोस् जुयन्, छि म्वाकु लास जुर्मुन्

ढ्यावाय लागिन् छिन्, जिउ मजिउ जे यतन्
खिङौ छेंरि रस्तार्मुन्, थनु नर पिचास जुर्मुन्

नेतापे लिखन् जुयन्, अपे तुङ् झोला बुयन्
छि वा थनु केसी, आपेन् मेथय तास जुर्मुन्

थौ छें हात्त मदकेन्, मेबे छें त पियन् चोनन्
थौ न थौ तु नास जुर्मुन्, दुनियाय दास जुर्मुन्

छिन् मेविस्त लुरी हङन्, हार्मुन् सिं ग्वार्मुङन्
मेवु त पाप टोन्मुन्, थौ तु न्होलुय रास जुर्मुन्

बिना पैसामा बेचिन्छौ तिमी

2011-12-21T07:51:00.000-08:00

खसी बोकाझैं रेटिन्छौ तिमी
बिना पैसामा बेचिन्छौतिमी

खोज्न नजाउ बाहिरशत्रु
आफ्नै हरुले हेपिन्छौतिमी

गर्ने नगर असल कर्म
बाटो बाटोमा छेकिन्छौतिमी

भए अस्थित्व मानबतिम्रो
किन घृणाले हेरिन्छौतिमी?

आफु बलियो नठाने हुन्छ
दुब्लो पेलेझैंपेलिन्छौ तिमी

सज्जन् हरुको संगत गरे
एकै क्षणमा टेडिन्छौतिमी

झुठा भाषण भट्टाऊ अझै
अनि नेताझैं फेरिन्छौतिमी

चिल्लो गाडीमा चढेरदेखा
आहा !क्या राम्रो देखिन्छौतिमी

Rush Hour In Japan(with photo)

2011-12-15T08:41:00.000-08:00

The weekday rush hours peak between 8am and 9am in the morning, and shortly after 5pm in the evening, however, morning rush hours tend to be more concentrated and heavier than evening rush hours. Rush hours are most extreme in Tokyo, but can also be pretty heavy in Japan's other major cities. There are no business rush hours on weekends and on public holidays.

During the morning rush hours, the traffic volume on certain urban and suburban trains is so intense that passengers are pressed against each other to a degree where they are unable to move. In railway stations, passenger streams have to be neatly organized by signs, lanes and station personnel in order to keep everybody moving. It is recommended to avoid the morning rush hours if possible, especially when traveling with luggage or small children.

Particularly crowded rail sections during the Tokyo morning rush hours include Ueno to Okachimachi (JR Yamanote and Keihin-Tohoku Lines), Nakano to Shinjuku (JR Chuo Line), Kinshicho to Ryogoku (JR Sobu Line), Kiba to Monsen Nakacho (Tokyo Metro Tozai Line), Ikejiri Ohashi to Shibuya (Tokyu Denentoshi Line) and Kawasaki to Shinagawa (JR Tokaido Line), all in Tokyo.

pic: various japanese site

याकर्चा जुर्गी

2011-12-09T08:03:00.001-08:00

दोलखा नेवारी गजल

सोम श्रेष्ठ

ओमन

थनु छिन जन्त त्वार्त ओङन्ली जि याकर्चा जुर्गी
जन हा ली, गुनुङ् मोचोङन्ली जि याकर्चा जुर्गी

चोंउइ चित्त बुज्याङन्,पुनिसय नेम्ला त सोयन्
लुयन् चोङ्गु, नेम्ला डुङन्ली जि याकर्चा जुर्गी

म्वारी हकुंइ छन नाप, जन उ थिगुर जिन्दगिकु
मेबे नाप तु छि, डुलेंग खोङन्ली जि याकर्चा जुर्गी

जनङ् गुनुङ् दमु बार्पउइँ, छिन चाकउ खँ लार्न
छिन मेबुत तु, मनकु टोङन्ली जि याकर्चा जुर्गी

निस्मा नापङ् चोंइ हङन्, वप्तेचा छें दके तउइँ
छिन् मेले तु नया छें डोङन्ली जि याकर्चा जुर्गी

छन्त जन दकेइ हङन्, खोंउइ माङस बाँलकु
मेबे तु चिर्खुन् चुला जोङन्ली जि याकर्चा जुर्गी

सद्दे मान्छे बिग्रिन समय लाग्दैन

2011-12-07T08:09:00.001-08:00

भ्रस्टाचार फैलिन समय लाग्दैन
सद्दे मान्छे बिग्रिन समय लाग्दैन

चोर डाँका को संगतमा परेपछि
मान्छेहरु टेडिन समय लाग्दैन

भन्दै थिएँ "न उम्ल तिमि अझ धेरै"
उम्लिएर पोखिन समय लाग्दैन

बनाउदै जाऊ गोला, बम, बारुद
यो पृथ्बी मासिन समय लाग्दैन

जति सक्छौ खाऊ अघाऊने गरेर
रित्तै देश रित्तिन समय लाग्दैन

जनताको बोलि सुनेनौ भने हेर
तिम्रो आयु सिद्धिन समय लाग्दैन

बेचेपछी नेपालको सारा सम्पति
डाँडा पाखा नांगिन समय लाग्दैन

उपदेश अरुका सबै मान्ने भए
यो "कृष्ण" सुध्रिन समय लाग्दैन

मान्छे पो फेरियो ताल उस्ता उस्तै(gajal with video)

2011-12-01T08:50:00.001-08:00

मान्छे पो फेरियो ताल उस्ता उस्तै
खरायोको पनि चाल उस्ता उस्तै

राम्रो गर्छौ भन्ने ठुलो आसा थियो
तर नेपालीको काल उस्ता उस्तै

परिबर्तन के मा गर्योउ तिमीले ?
समाचार हेरौं हाल उस्ता उस्तै

फसौं या नफसौं माकुरी जालमा
तिम्ले पनि बुन्ने जाल उस्ता उस्तै

देशै बाजी राखी अरु जस्तै तिमि
बसेछौ जुवामा खाल उस्ता उस्तै

हाम्रा नयाँ राजा पाल्नु भयो की?

2011-11-23T06:48:00.001-08:00

गजल

झिलिमिली बत्ति बाल्नु भयो की?
हाम्रा नयाँ राजा पाल्नु भयो की?

ओहो! फर्की आए नेता गाउँमा
आगनीमा खसी ढाल्नु भयो की ?

सिंगापुर जस्तै बनाउन खै ?
एक कदम् अघि चाल्नु भयो की ?

भन्नु हुन्थ्यो उहाँ जिताई त हेर
भने जस्तै काम थाल्नु भयो की ?

अनि पो विकास हुन्छ

2011-11-14T09:34:00.001-08:00

राम्रो काम गर अनि पो विकास हुन्छ
मर्नै परे मर अनि पो विकास हुन्छ

खेतबारी त्यत्रा बाँझो छाडी किन राख्छौ?
धान मकै छर अनि पो विकास हुन्छ

जान देउ माथि अरु हैन देश लाई
आफु तल झर अनि पो विकास हुन्छ

कहाँ देश बन्छ? सबै चुप चाप बसे
अघि अघि सर अनि पो विकास हुन्छ

अझै कति चल्ने? बिदेशीको इशारामा
आफ्नै भर पर अनि पो विकास हुन्छ

मुसै खान्छन् नेताहरु

2011-11-08T08:38:00.001-08:00

गजल

कुर्सि मुनि लुकीलुकी, घुसै खान्छन् नेताहरु
सर्प बनि ठूलाठूला, मुसै खान्छन् नेताहरु

बनाउछु देश भनि, भत्ता सबै पचाएर
उम्रिराको संबिधान् को, टुसै खान्छन् नेताहरु

सिंगापुरै बनाउँछन् , नसके नि यथार्थमा
कुरा गर्न जर्ज डब्लु, बुसै खान्छन् नेताहरु

कहाँ फिर्ता दिए त्यत्रा, चिल्ला गाडी पंजेरो खै?
खान पाए अलकत्रा, भुसै खान्छन् नेताहरु

बेचिसके नेपाल नै, अब के नै बाँकि छ र ?
हात परे अमेरिका, रुसै खान्छन् नेताहरु

आउ प्रिय अंगालोमा, बसौं हामी मिलिजुली

2011-11-04T10:16:00.001-07:00

गजल

नछुटिने नाता हाम्रो, कसौं हामी मिलिजुली
आउ प्रिय अंगालोमा, बसौं हामी मिलिजुली

खुसी हुनु दुखी हुनु, जिन्दगीको नियति हो
जो रोएनी आँसु बनि, खसौं हामी मिलिजुली

केहि गरि छुट्नै परे, चोखो माया गर्दा गर्दै
खरानी यो निधारमा, घसौं हामी मिलिजुली

गहिरो यो प्रेम सागर, माया टिप्न पिध सम्मै
माछो जस्तै पौडिएर, पसौं हामी मिलिजुली

अन्धो हुन्छ माया जाल, भन्ने गर्छन् सबैजना
जानीजानी हाँसीखुसी, फसौं हामी मिलिजुली

भमरा झैं लठ्ठी हामी, माया चुस्दै मस्त हुँदा
भुलोस् बरु आफैलाई , रसौं हामी मिलिजुली

योकोहामाको मोहनी

2011-10-27T10:41:00.000-07:00

झन्डै ५ बर्ष भैसकेछ नेपाल छाडेर जापान छिरेको अनि जापानकै दोश्रो ठुलो शहर योकोहामामा बस्न थालेको पनि । जापान आएकै दिन देखि यहि योकोहामाको मनोरम घुम्न लायक स्थानहरुले आजको दिन सम्म पनि तानेकै छ , र त योकोहामा छाडेर अन्त कतै जान मन लाग्दैन मलाई ।

निप्पोन मारु

त्यसैले फुर्सद भयो की यहाँका रमणीय स्थान हरुमा एक्लै भए पनि घुम्ने गर्दछु घन्टौं सम्म पनि। आज त्यहि सुन्दर रमणीय , मनमोहक मनै लोभ्याउने योकोहामाको सेरोफेरो फोटो मार्फत यहाँ राख्ने जमर्को गरेको छु । यदि यहाँहरु पनि कुनै दिन जापान आउनुभएको खण्डमा योकोहामा आउन नभुल्नुहोला........


साकुरागिच्योउ : साकुरा फूल फुल्दा

जापानकै सबैभन्दा अग्लो ६९ तले ल्याण्ड मार्क टावर

मिनातोमिराइको साँझको दृश्य

६९ तला बाट नियाल्दा

योकोहामा र टोकियोको सिमाना

नेपालको बसन्तपुर जस्तै आखा रेंगा

यामसिता पार्क

जापानमा पनि चाइना टाउन

आहा! कति राम्रो समुन्द्र

खुट्टा तान्ने काम्, हर्पल् हुँदैछ

2011-10-23T08:17:00.000-07:00

गजल

को के बन्ने हो, छल्फल् हुँदैछ
खुट्टा तान्ने काम्, हर्पल् हुँदैछ

सहमति खै? हुनै नसकी
सिंगो देशनै, हल्चल् हुँदैछ

घमण्डी हुँदा, आफु आफैमा
सानै कुरामा, खल्बल् हुँदैछ

आरोपै मात्र. एक अर्कामा
मुखामुख् लौन, पल्पल् हुँदैछ

बोल्नेहरु कै , विजय हुँदा
भ्रस्टलाई झन् , मल्जल् हुँदैछ

बिना उधेश्य, नेता भएसी
गर्नेपो के हो ? अल्मल् हुँदैछ

झुठो कसम्, खा'को भए मरीजाउँ

2011-10-17T10:01:00.000-07:00

गजल

धरोधर्म झुठो कसम्, खा'को भए मरीजाउँ
तिमी छाडी अन्तै माया, ला'को भए मरीजाउँ

यति राम्री मेरी प्यारी, माया गर्ने हुँदा हुँदै
अर्कै ठिटी संग डिस्को, गा'को भए मरीजाउँ

जिस्काउन केटीहरु, सबेरै त्यो पँधेरिमा
आँखा मिची दिन दिनै, धा'को भए मरीजाउँ

यति चोखो तिम्रो माया, बिर्सिएर अरु संग
लुकिछिपी कुराकानी, भा'को भए मरीजाउँ

हाँसीखुसि बाँच्नलाई, तिम्रो माया भए पुग्छ
कसैबाट जालीमाया, पा'को भए मरीजाउँ

प्यास मेट्न जवानीको, योवनमा लठ्ठीएर
साथ माग्न तिम्रो सामु, आ'को भए मरीजाउँ

अनेसास जापानद्वारा साहित्यिक गोष्ठी तथा चियापान कार्यक्रम सम्पन्न

2011-10-10T08:10:00.000-07:00

-कृष्ण के श्रेष्ठ काल्स

योकोहामा जापान

१० अक्टुबर का दिन अन्तराष्ट्रिय नेपाली साहित्य समाज जापान च्याप्टरको आयोजनामा हामामाचुच्यो स्टेशनको समोसा रेष्टुरेन्टमा साहित्यिक गोष्ठी तथा चियापान कार्यक्रम सम्पन्न भएको छ ।

उक्त कार्यक्रममा जापान भ्रमणमा आउनुभएका पत्रकार तथा साहित्यकार बिजय चालिसे र नेपाली साहित्य विकास परिषद लण्डनका सह-अध्यक्ष कोमल मल्लज्यू लाई जापानमा स्वागत गर्दै उहाँ हरुलाई सम्मान गरिएको थियो । साथै उहाहरुको साहित्यिक कृतिहरु उपहार स्वरूप अनेसास जापानका अध्यक्ष दिनेश राज ज्ञवालीलाई हस्तान्तरण गरिएको थियो भने उहाँ हरुलाई पनि जापानको चिनो प्रदान गरिएको थियो ।

कार्यक्रम मा २० साहित्यकार, पत्रकार, ब्यबसायी लगायत बिद्यार्थीहरुको सहभागिताको रहेको थियो । करिब २ घण्टा सम्म चलेको उक्त कार्यक्रममा उपस्थित सम्पूर्ण सहभागीहरुले आ आफ्ना रचना, कविता, हाइकु र गजल प्रस्तुत गरि भरपुर मनोरजन लिइएको थियो। कार्यक्रमको अन्तमा सामुहिक रात्रीभोजको समेत आयोजना गरिएको थियो ।

योकोहामामा नेपाल जापान सेवा समाज द्वारा सामुहिक दशैँ मनाइयो

2011-10-06T08:23:00.000-07:00

-कृष्ण के श्रेष्ठ"काल्स"

योकोहामा जापान

हिन्दुहरुको महानचाड विजयादशमीको उपलक्ष्यमा अक्टोबर ६ तारिखका दिन जापानको योकोहामा शहर स्थितकानागावा केनमिन सेन्टरमा कृष्ण के श्रेष्ठ “काल्स” को अध्यक्षतामा नेपाल जापान सेवा समाजकोनौ सदस्यीय कार्यसमितिको गठन गरियो ।कार्यक्रमविजयादशमीको शुभकामना आदानप्रदान बाट सुरु भइ सामुहिक टिका लगाएर सकिएको थियो ।

सामुहिक तस्बिर खिचाउदै

(नेजासेस) कार्यसमितिको अध्यक्षमा कृष्ण के श्रेष्ठ काल्स ,उपाध्यक्षमा हर्कसिंह सुनुवार , सचिवमा प्रकाश गुरुङ ,कोषाध्यक्षमा सुरजश्रेष्ठ र सदस्यहरुमा राजकुमार श्रेष्ठ , प्रमोद अर्याल, मुना मुखिया, बिनोदसन्जेल र भावना श्रेष्ठ निर्वाचित हुनु भएको छ ।

सस्थाका अध्यक्ष (बाँया) उपादक्ष्य (दायाँ) छलफलका क्रममा

उक्त कार्यक्रममायोकोहामा लगाएत जापानका विभिन्न शहरमा बसोबास गरिरहेका करिब २० जना नेपालीबिद्यार्थी लगायत केहि ब्यबसायी हरुको सहभागिता पनि रहेको थियो ।

नेपाली कला संकृतिर साहित्यलाई जापानिहरुमाझ चिनाउने उधेश्य लिएर गठन गरिएको उक्त समूहले जापानमाआफ्नो देश छाडी विभिन्न उधेश्य बोकेर बसोबास गरिरहेका नेपालीहरुको लागि नेपालीचाडपर्बहरुमा विभिन्न सांस्कृतिक र साहित्यिक कार्यक्रमहरु गरेर मनोरंजन प्रदान गर्ने कुरा पनि मन्तब्यकाक्रममा संस्थाका अध्यक्ष श्रेष्ठले बताउनुभयो ।

छलफल गर्दै सहभागीहरु

कार्यक्रममा सहभागीहरुको एउटै मत थियो, हामी नेपाल छाडेर विदेशिएपछिको निराशापन लाई केहि भए पनिहल्का बनाउनको लागि हामीलाई समय समयमा विभिन्न मनोरंजनको आबश्यक हुन्छ । सधै काम मात्र कति गरि राख्ने हामीले? के हामीलाई नेपाली चाड मनाउनेरहर छैन र? पक्कै पनि हामीलाई नेपाल अनि नेपाली संस्कृति को माया छ । हामीलाई पनि दशैं तिहार मनाउने रहर छ । त्यसैले यस्ता किसिमका सस्थाहरुको आवश्यकता रहेको कुरा कार्यक्रमममा सहभागी हरुले बताउनुभएको थियो ।

मन्तब्य का क्रममा

साथै नेपालमा हुनेकुनै पनि आपत विपतको बेलामा जापानमा रहेका नेपालीहरुले गर्न सक्ने आर्थिक, भौतिकसहयोगको लागि पहल गर्ने कुरा पनि समुहको अर्को महत्वपूर्ण उधेश्य रहेको कुरा पनिमन्तब्य क्रममा सस्थाका उपाध्यक्ष सुनुवार र सचिब गुरुङले बताउनु भयो ।

सामुहिक टिका लगाउदै

करिब २ घण्टा सम्मचलेको उक्त अन्तर्क्रिया कार्यक्रममा समुहको बारेमा बिबिध बिषय हरुमाअन्तर्क्रिया, संस्थाको बिषयमा विभिन्न बिषयमा निर्णय, लगायत संथाको भाबी योजना र कार्यक्रमहरुकोबारेमा छलफल गरिएको थियो ।

संस्थाको अर्कोकार्यक्रम नोभेम्बर ३ तारिख को दिनमा गरिने जानकारी सहित संस्थाका अध्यक्ष रउपाध्यक्षको हातबाट सामुहिक टिका लगाएर कार्यक्रम सकिएको थियो ।

सहभागीहरु

Dashain video gazal with mangal dhoon

2011-10-03T10:28:00.000-07:00

पैसा भए कालो बोको, ढाल्ने थिएँयो दशैंमा
झुपडीको छानो पनि, टाल्ने थिएँ योदसैमा

कति कुट्नु गिट्टी मात्रै, खोलाको त्योकिनारामा
सुन खोज्दै बालुवा पो, चाल्ने थिएँयो दसैमा

जीन्दगीको यात्रा मेरो, गरिबीमै बितीसक्यो
सक्ने भए नयाँ जीवन, थाल्ने थिएँयो दसैमा

रोइराछन् लालाबाला, खान केहिनपाएर
भिखै मागी जसोतसो, पाल्ने थिएँयो दसैमा

एकसरो नयाँ लुगा, किनिदिए आमाबाले
च्यातिएका भोटो मेरो, फाल्ने थिएँयो दसैमा

भुटन् छैन तर्कारीमा, झिलिमिलीकेले पार्ने?
तेल भए टुकी बत्ति, बाल्ने थिएँयो दसैमा

क ख ग घ पढ्न पनि, नसकेकाछोराछोरी
भर्ना गरि बालमन्दिर, हाल्ने थिएँयो दसैमा

happy bijaya dashami 2068 to all............